Matemáticas e Cine

Pode ser que unha das formas máis atractivas de interesarse polas mátemáticas sexa que estas formen parte da trama central dunha película. Desta forma parece que se fan máis espectaculares e incluso ata o máis desconfiado lles atopa unha aplicación.

 

Algunhas das máis coñecidas atópanse nesta direción , destacar a famosa saga "Cube" e unha curiosa película arxentina moi recomendable chamada "Moebius" feita por un profesor e os seus alumnos da escola de cine, pero cun acabado moi profesional.

Destacar outros artigos interesantes sobre o tema Cine e Matemáticas escritos polo profesor do departamento de Matematicas Aplicadas da universidade de Valladolid Alfonso Jesús Población, así como en especial a súa páxina persoal e a seción de Cine na que incluso atoparemos actividades específicas relacionadas con algunhas das películas máis famosas.

Exercicios de Clase

Recopilo de novo algúns dos exercicios feitos nas miñas clases de Bacharelato, algúns coas solucións. Esta vez inclúo os de 2º de Bacharelato:

1º Bacharelato	Tecnolóxico	Sucesións
		Ecuacións, Inecuacións e Sistemas
		Trigonometría
		Complexos
		Xeometría
	Ciencias Sociais	Números Reais
		Álxebra
		Funcións
2º Bacharelato	Tecnolóxico	Álxebra
		Xeometría
		Análise
	Ciencias Sociais	Álxebra
		Análise
		Probabilidade e Estatística

Música e Matemática

Ben sabido é a relación entre a música e as matemáticas, propoño aquí un artigo curioso sobre algún exemplo desta relación. Está ben explicado e resulta entretido e moi fácil de entender.

O artigo esta sacado dunha interesante páxina, Wikilearning , onde se poden atopar ou publicar un mesmo cursos e artigos de todo tipo e totalmente gratuitos.

Outro artigo interesante, máis dende o punto do análise matemático é o de "Informática, Matemáticas y Música: La pluma digital" , onde teremos unha relación directa entre o sonido e as funcións matemáticas, incluso poderemos comprobalo de modo interactivo descargando un sinxelo programa , explicado no propio artigo.

GRÁFICAS ONLINE

                               

Nesta dirección poderemos realizar as nosas gráficas estatísticas sen dificultade, e imprimilas, descargalas en diferentes formatos ou mandalas a unha dirección de correo.

Fácil emprego e sen necesidade de instalar nada no ordenador, con gran variedade de exemplos.

A VIAXE MÁIS LONGA ENDEXAMAIS REALIZADA

Unha viaxe ó infinito é o que neste artigo se nos propón. Nel poderemos entender mellor o concepto de infinito no universo ou atopar resposta a preguntas curiosas que algunha vez ou endexamáis nos fixemos. Vai acompañado dun fermoso vídeo para facer máis real a viaxe.
O artigo pertence á páxina caosyciencia , esta páxina está vinculada a outra páxina interesante no tocante ó tema da astronomía, trátase da páxina do Instituto de Astrofísica de Canarias.

VECTORES NO PLANO

Isto é unha completa unidade didáctica interáctiva sobre o estudio da xeometría plana a nivel de 4º de secundaria ou 1º de Bacharelato. Consta dun montón de actividades, moitas delas coa posibilidade de interacción.

Vectores no Plano

 

 

A CALCULADORA DO FUTURO

                           

Algo máis que unha calculadora en rede, con esta ferramenta pódese facer de todo, e o que máis sorprende é o sinxela de manexar, sen grandes complexidades de programaión, como quen manexa a típica utilidade de procesador de textos para matemáticas. Álxebra, análise, combinatoria, xeometría, etc. Mirando algún que outro exemplo ou consultando o titorial (todo en castelán) aprendese moi rápido.

Chamase WIRIS e está dispoñible no portal de educamadrid (interesante tamén este portal). Poderíamos dicir que estamos máis perto do futuro.

Matemáticas Aplicadas ás Ciencías Sociais II

Con esta páxina case non faría falta profesor para sacar a diante esta asignatura. Trátase dunha páxina dedicada á asignatura de 2º de Bacharelato Matemáticas Aplicadas ás Ciencias Sociais, nela poderedes atopar tanto os conceptos do tema moi ben explicados como un montón de exercicios, moitos deles coa posibilidade de interactuar, facendo que o aprendizaxe sexa moi intuitivo.

Boletíns de Exercicios

Publico aquí algúns dos exercicios que temos feito nas clases de 1º de Bacharelato. Sempre hai alguén despistado que non os fixo todos, ou sempre queda a posibilidade de repasar.

Matemáticas I: Sucecións , Ecuacións Inecuacións e Sistemas , Trigonometría.

Matemáticas Aplicadas ás CC.SS.: Números Reais , Alxebra.

O mercores 22 de febreiro fomos cos alumnos de 1º de Bacharelato a Santiago, visitamos o Observatorio Astronómico Ramón María Aller , o Museo de Historia Natural "Luis Iglesias" e o Museo do Acibeche, no que cada un tratou de fabricar a súa propia xoia.Para información interesante sobre Santiago e o seu movemento cultural podese visitar a paxina de Compostelacultura ou a paxina do Concello de Santiago.

Outra dirección de interese é a da propia Universidade de Santiago na que esta incluida as páxinas do Observatorio e do Museo de historia Natural.

E se necesitas buscar algunha calle ou a carretera para chegar a Santiago nada mellor que un mapa a todas as escalas.

Un paseo polo universo

Con este programa poderedes viaxar a millóns e millóns de anos luz, ou ben quedarvos polo sistema solar. O realismo está garantido con este simulador astronómico en 3-D. Selecciona un destino, marca a velocidade ou viaxa libremente dun lado para outro. Poderedes ter unha idea intuitiva do que son as distancias astronómicas.

CELESTIA

Aprobar pode ser máis sinxelo

Os programas informáticos poden axudarnos a comprender moito máis rápido e dunha maneira máis intuitiva os conceptos matemáticos. Recomendo dous:

• O primeiro trátase dun programa para representacións gráficas de funcións. Trátase dun programa moi sinxelo de utilizar, moi aconsellable para calquera alumno de secundaria e en especial de bacharelato. O programa chámase Wimplot , e pódese baixar en español, é totalmente gratuito.

• O segundo é un programa máis completo e complexo, trátase dun potente programa de cálculo numérico, moi recomendable para estudiantes universitarios con estudios moi ligados ás matemáticas, ou para calquera moi forofo das matemáticas e das aplicacións informáticas. O prográma é o Scilab e tamén é gratuito.

Matemáticas Aplicadas ás Ciencías Sociais

Nesta dirección podemos descargarnos en formato pdf 150 problemas tipo das Paau correspondentes á asignatura de Matemáticas Aplicadas ás Ciencías Sociais, están todos resoltos polo que representa un material interesante para os alumnos de 2º de Bacharelato que cursen esta asignatura. Esta elaborado polo profesor de Matemáticas de Educación Secundaria en Oviedo José María ROSELL TOUS.

Grandes Matemáticos

Esta claro que as Matemáticas non saíron da nada, houbo que cociñalas, nesta dirección atoparedes as historias dos máis grandes matemáticos que coa súa intelixencia e creatividade fixeron das matemáticas non só unha arte senón a base de todas as ciencias.

Danos incluso a posibilidade de descargalo en pdf.

Ciberespacio e Educación

Esta recomendación que fago agora é máis ben para profesores ou calquera que pretenda utilizar internet e as novas tecnoloxías como recurso didáctico, trátase dunha interesantísima e completa páxina elaborada polo Departamento de Pedagoxía Aplicada da Universidade Autónoma de Barcelona. Pode servir tanto para iniciación como perfeccionamento e esta chea de direccións moi aproveitables.

Todo sobre as PAAU

Esta é a páxina oficial das PAAU na que poderemos consultar tanto o temario dos cursos de bacharelato como os exames de anos anteriores.

enlace

Interactividade Matemática

Aquí atoparás seis unidades didácticas interactivas de matemáticas coas que se pretende reforzar e consolidar contidos básicos de 4º de ESO.

Están sacadas da páxina da editorial sm http://www.profesores.net/

Paréceme unha forma divertida e moi boa de aprender

• Inecuacións
• Funcións exponencias
• Razóns trigonométricas
• Proporcionalidade numérica
• Funcións polinómicas
• Cálculo de probabilidades

Matematicas 1º bacharelato Tecnolóxico

Nesta páxina podemos consultar  a teoría e exercicios da asignatura de matemáticas de 1º de Bacharelato.

Resultará especialmente interesante ós alumnos que busquen exercicios tipo de cada tema, tendo en conta que a maioría están resoltos.

 

Apuntes e exercicios

Nesta paxina podense descargar tanto apuntes,exercicios, taboas en formato pdf, como atopar xogos ou chistes e curiosidades matemáticas que nos farán pensar.

MUNDO E XEOMETRÍA

XEO - metría

Mediante o bombardeo de imaxes podemos ser conscientes da presencia cotiá da xeometría

enlace

Incluida nunha interesante páxina do departamento de matemáticas do IES. Porta da Auga en Ribadeo.